№30 балалар кітапхана-бөлімшесі

№30 балалар кітапхана-бөлімшесі – жас оқырмандар үшін білім, қиял және шығармашылық әлеміне есік ашатын кеңістік.

Кітапхана тарихы

1977 жылы негізі қаланған бұл кітапхана көптеген жылдар бойы Түрксіб ауданының балалары үшін мәдени даму мен білім орталығы болып келеді. 2020 жылы кітапхана жаңғыртылып, одан да жайлы әрі заманауи орынға айналды.

Кітап қоры

Кітапхана қоры 19 048 дананы құрайды. Мұнда балалар көркем әдебиет, танымдық кітаптар, энциклопедиялар мен ертегілерді таба алады. Сондай-ақ олар шығармашылық және білім беру шараларына қатыса алады.

Үйірмелер 

«Затейник» клубы – балалар оқыған кітаптарынан көріністер мен сүйікті эпизодтарын салып, пластилин мен тұзды қамырдан қолөнер бұйымдарын жасап, аппликациялар жасайды.

«Оқимыз, үйренеміз, ойнаймыз» үйірмесі – оқырмандар әдеби ойындарға, конкурстарға, викториналарға қатысып, қолөнер бұйымдарын жасайды.

«Отбасымен оқимыз» – отбасылық оқу клубы.

«БиблиоСпорт» – спорттық үйірме.

«Эрудит» – интеллектуалды клуб.

«Ғибрат» – дәстүр мен әдет-ғұрып клубы.

№30 балалар кітапхана-бөлімшесі – кітапқа деген сүйіспеншілік балалық шақтан басталатын орын!

Мекенжайы: Түрксіб ауданы, Донентаев көшесі, 2а (үш қабатты тұрғын үйдің бірінші қабатында орналасқан).

Байланыс телефоны: 251 90 08