Алматы Кітапханаларының филиалы (Герольд Бельгер к., 1Б)

Кітапхана 2026 жылдың 16 қаңтарында ашылды және дәстүрлі кітап оқу құндылықтарын цифрлық технологиялармен, заманауи біліммен және ауқымды ақпараттық ресурстармен үйлесімді ұштастырады.

Кітапхана заманауи талаптарға сай жасақталған бай кітап қорымен және жаңа материалдық-техникалық базамен жабдықталған. Бұл әртүрлі жастағы оқырмандардың қызығушылықтарын толықтай қанағаттандыруға мүмкіндік береді. Келушілер үшін компьютерлік зал, жеке кітап оқуға арналған жайлы тыныш аймақтар, сондай-ақ кездесулер, пікір алмасу және шығармашылық бастамаларды жүзеге асыру кеңістіктері қарастырылған.

Мұнда кедергісіз орта қалыптастыруға ерекше көңіл бөлінген. Кітапханада ерекше қажеттіліктері бар жандар үшін арнайы жұмыс орындары жабдықталған. Көру қабілеті бұзылған және зағип оқырмандар үшін Брайль бағдарламаларымен және дыбыстық интерфейстермен жабдықталған аппараттық-бағдарламалық кешендер орнатылған.

Қор мен келушілер саны

Кітап қоры 10 000-ға жуық кітапты қамтиды. Кітапхана барлық жастағы және әртүрлі қызығушылығы бар оқырмандарға қызмет көрсетеді.

Заманауи технологиялар

Кітапханада толық циклді RFID-жүйесі (радиожиілікті сәйкестендіру) енгізілген. Мүмкіндігі шектеулі жандар үшін ақпаратты аудио арқылы шығаруды қолдайтын және Брайль дисплейімен жабдықталған мамандандырылған жұмыс орындары бар.

Мекенжайы: Герольд Бельгер көшесі, 1Б