Көру мүмкіндігі шектеулі жандарға арналған кітапханалық қызметтер

Көру мүмкіндігі шектеулі азаматтарға арналған арнайы кітапханалық қызметтерді бірнеше кітапхана филиалдары ұсынып отырғанын қуанышпен хабарлаймыз. Бұл қызметтер көру қабілеті толықтай жоғалған немесе мүмкіндігі шектеулі азаматтарға арналады.

Оқырмандар келесі мүмкіндіктерді пайдалана алады:

• Арнайы жабдықталған кітапханалық компьютерлерде жұмыс істеу;
• Жазық басылымды кітаптар мен басқа құжаттарды сканерлеу, тану және оқу;
• Интернетте ақпарат іздеу және өңдеу, сондай-ақ кітапхананың электронды кітаптарын оқу;
• Брайль жүйесімен жазылған әдебиеттерді оқу.
• Брайль принтерін қолдану (Брайль шрифтінде мәтіндерді басып шығару құралы)

Бұл қызметтер келесі филиалдарда ұсынылады:

• А. П. Чехов атындағы орталық қалалық кітапхана, мекенжайы: Алмалы ауданы, Гоголь көшесі, 109;
• ALATAU CREATIVE HUB, мекенжайы: Алатау ауданы, Нұркент, 5/11;
• №14 кітапхана-филиалы, мекенжайы: Бостандық ауданы, Римский-Корсаков көшесі, 3;
• №4 кітапхана-филиалы, мекенжайы: Алмалы ауданы, Абай даңғылы, 141.
• №45 кітапхана-филиалы, мекенжайы: Әуезов ауданы, «Мамыр-7» ш / а, 8а үй
• Жамбыл атындағы қалалық жасөспірімдер кітапханасы, мекенжайы: Алмалы ауданы, Назарбаев даңғылы, 43
• Қазақстан жазушылар кітапханасы, мекенжайы: Әуезов ауданы, 11 ш/а, 37

Қосымша ақпарат алу үшін көрсетілген филиалдарға барып немесе кітапхананың веб-сайтында көрсетілген байланыс нөмірлеріне  +7 (727) 338-77-30  қоңырау шалуыңызға болады.