Akbota

2024 жылдың желтоқсан айында Қазақстан Республикасы, Алматы қаласы Орталықтандырылған кітапхана жүйесі мен Ресей Федерациясы, Н.Д. Наволочкин атындағы Хабаровск өлкелік балалар кітапханасы арасындағы Ынтымақтастық туралы келісім аясында 2025 жылға арналған іс-шаралар жоспары жасалды. Бұл жоспар Ұлы Отан соғысындағы Жеңістің 80 жылдығына арналған. Биылғы жылдың 11 сәуірінде Н.Д. Наволочкин атындағы Хабаровск өлкелік балалар кітапханасы мен С. Бегалин атындағы Орталық қалалық балалар кітапханасының оқырмандары қатысқан «Соғыстың жаңғырығы – жүректегі естелік» атты халықаралық онлайн-көпір өтті. Шара барысында балалар Ұлы Отан соғысы туралы өлеңдер оқып, өз елдерінің қаһармандарының ерліктері туралы, соғысқа қатысқан ата-әжелері жайлы әңгімелеп,...

Алматыда Алматы Кітапханалары мен Алматы облысының кітапханалары бірлесіп ұйымдастырған форум өтті. Шара барысында қатысушылар автоматтандыру, цифрландыру, өзіне-өзі қызмет көрсететін автономды кітапханаларды енгізу және басқа да заманауи шешімдер бойынша тәжірибе алмасты. Форумның басты оқиғасы — ынтымақтастық туралы меморандумға қол қойылуы. Құжатта кітап қорының сақталуы, мамандардың біліктілігін арттыру, цифрлық технологияларды енгізу және оқырмандарды кешенді түрде қамтитын бірыңғай жүйені дамыту бойынша бірлесіп жұмыс істеу бекітілді. Форум аясында Алматы Кітапханаларының озық тәжірибелеріне ерекше көңіл бөлінді. Қонақтар Жастар комьюнити-орталығы базасындағы автономды кітапхананың жұмысымен танысып, цифрландыру және кітаптарды қалпына келтіру бойынша практикалық сабақтарға қатысты. «Бүгінгі кездесу...

6 мамыр күні №4 кітапханада Ұлы Жеңістің 80 жылдығына арналған тарихи-патриоттық реквием өтті — «Ұлы Жеңіске мәңгілік даңқ, ардагерлерге құрмет». Алмалы ауданының Ардагерлер кеңесімен бірлесіп ұйымдастырылған бұл шара ұрпақтар сабақтастығын, Отанға деген сүйіспеншілік пен жауынгерлік ерлікке деген құрметті көрсетті. Шара аясында «Ұлы Жеңіс — ұрпаққа үлгі» атты кітап көрмесі ұйымдастырылып, онда сирек кездесетін басылымдар, соғыс жылдарындағы фотошежірелер, сондай-ақ Баубек Бұлқышев, Бауыржан Момышұлы, Қасым Қайсенов сынды майдангер жазушылардың шығармалары қойылды. Қонақтар назарына «Ұлы ерлікке мәңгілік даңқ» атты презентация ұсынылып, жас оқырмандар ардагерлерге гүл шоқтарын табыстады. Құрметті қонақтар қатарында Алмалы ауданы Ардагерлер...

Құрметті достар! «Алматы қаласы Орталықтандырылған кітапханалар жүйесі» биыл Ұлы Отан соғысындағы Жеңістің 80 жылдығын атап өту аясында Ресей мемлекеттік балалар кітапханасы (Мәскеу қаласы), Владимир облыстық балалар мен жастар кітапханасы, сондай-ақ ТМД елдерінің кітапханаларымен – Беларусь Республикасы, Қырғыз Республикасы және Тәжікстан Республикасымен бірлесе отырып, «Балалар Жеңіс туралы» халықаралық жобасын жүзеге асыруға қатысты. «Балалар Жеңіс туралы» халықаралық жобасы – бұл 2025 жылдың 1 ақпанынан 31 наурызына дейін өткізілген «Балалар Жеңісті салады» атты акция. Акция аясында 1941–1945 жылдардағы Ұлы Отан соғысы оқиғаларына немесе қаһармандарына арналған балалар суреттері қабылданды. Аталған акцияның Қазақстан аумағындағы үйлестірушілері...

Алматыда Ұлттық кітап күніне орай алғашқы республикалық кітапханалық хакатон ұйымдастырылды. Бұл іс-шара Alatau Creative Hub орталығында өтіп, Қазақстанның түкпір-түкпірінен келген жас кітапханашыларды біріктірді. Іс-шараны Алматы қаласының кітапханалары ұйымдастырды, оған қала әкімдігі, Қазақстан Республикасының Ұлттық кітапханасы және Ғылым ордасы қолдау көрсетті. Елдегі кітапхана ісін жаңғыртудың көшбасшылары саналатын алматылық кітапханашылар тәжірибесін, білімін өзге өңірдегі әріптестерімен бөлісе бастады. Хакатон – тәжірибе алмасуға, жаңа қызмет түрлерін талқылауға және кітапхана саласына цифрлық технология енгізу мәселесін қарауға арналған маңызды алаңға айналды. Бүгінде Алматы кітапханаларды жаңғыртуда жетекші орында. Мұнда тәулік бойы жұмыс істейтін 24/7 кітапханалар, автономды кітапханалар,...