Akbota
«KitapFest» кітап жәрмеңкесіне 50 мыңнан астам адам қатысып, 15 мыңнан астам кітап сатылды
Бүгін Алматыда Қала күніне орай ұйымдастырылған елдегі ірі мәдени бастамалардың бірі – «KitapFest» кітап жәрмеңкесі өз мәресіне жетті. Арбатта екі күн бойы өткен ауқымды шараға 50 мыңнан астам адам қатысты. Жәрмеңке кітап пен оқырманды тоғыстырған маңызды мәдени алаңға айналды. Биылғы жәрмеңкеге 60-тан астам отандық баспа қатысып, барлық жастағы оқырмандарға түрлі жанрдағы жаңа әрі таңдаулы кітаптарын ұсынды. Келушілер баспа өнімдерін қолжетімді бағамен сатып алуға мүмкіндік алып, екі күн ішінде 15 мыңнан астам кітап сатылды. Сонымен қатар, жәрмеңке аясында келушілер кітап сатып алып қана қоймай, сүйікті қаламгерлерімен кездесіп, олардың қолтаңбасын алуға мүмкіндік...
«Шабыт берген Алматы!»: Алматының әсемдігін жырға қосқан ақындар анықталды
Бүгін Алматыда Қала күніне орай ұйымдастырылған «Шабыт берген Алматы!» республикалық поэзиялық шығармалар байқауының салтанатты марапаттау рәсімі өтті. Шараға Алматы қаласы әкімдігінің өкілдері, мәдениет және өнер саласының мамандары, зиялы қауым өкілдері, ақындар, сондай-ақ қала тұрғындары мен қонақтары қатысты. Алматы қаласы Мәдениет басқармасының қолдауымен өткен байқауға өтінімдер 15 шілде мен 29 тамыз аралығында қабылданып, еліміздің әр өңірінен 457 жұмыс келіп түскен. Байқаудың жалпы жүлде қоры 7,5 млн теңгені құрайды. Шара барысында Алматы қаласы әкімінің орынбасары Абзал Нүкенов байқаудың маңызына тоқталып, Алматы қаласы әкімінің бастамасымен ұйымдастырылғанын атап өтті. Оның айтуынша, Алматы әрдайым мәдениет...
Қала күніне орай Жібек жолы көшесі бойында «Kitap Fest» кітап жәрмеңкесі өтеді
19-20 қыркүйек аралығында Алматыда Қала күніне орай Мәдениет басқармасының қолдауымен қалалық кітапханалардың ұйымдастыруымен Арбат алаңында «Кітап Fest» кітап жәрмеңкесі өтеді. Іс-шараның негізгі мақсаты – қала тұрғындары арасында кітап оқуға қызығушылықты арттыру, оқу мәдениетін дамыту және кітапты қолжетімді форматта көпшілікке ұсыну. «Кітап Fest» аясында 60-тан аса баспаның қатысуымен кітап жәрмеңкесі және ақын-жазушыларға арналған қаламгерлер шатырында кездесулер ұйымдастырылады. Баршаңызды 19-20 қыркүйек күндері сағат 10:00–18:00 аралығында Арбат алаңында күтеміз.Әдебиет пен мәдениет тоғысқан ерекше мерекеде жүздескенше!