Akbota

Алматы – мәдениет пен заманауи қалалық бастамалар тоғысқан мегаполис. Қалада тұрғындардың зияткерлік демалысына қолайлы жағдай жасауға бағытталған қоғамдық жобалар жыл сайын артып келеді. Солардың бірі – ашық қоғамдық кеңістіктерде ұйымдастырылатын жыл сайынғы жазғы буккроссинг алаңдары. Биыл да қала саябақтарында арнайы кітап сөрелері орнатылып, тұрғындар мен қала қонақтары сүйікті кітабын еркін алып оқып, кейін оны басқа оқырманмен алмастыра алады. Бұл қарапайым ғана бастама серуенді мазмұнды демалысқа айналдырып, кітапқа деген қызығушылықты арттыруға ықпал етпек. 1 маусымнан бастап жазғы кітап сөрелері Ганди саябағында, Қарағайлы саябағында, М. Мақатаев саябағы мен Центральная көшесі, 12Б мекенжайында...